ДУШАНБЕ, 7 мар — Sputnik. Созмони Паймони амнияти дастаҷамъӣ дар моҳи ноябри соли 2017 дар Тоҷикистон чанд размоиши густарда баргузор карда буд.
"Баргузории ин размоишҳоро вазъи низомиву сиёсии кишварҳои Осиёи Марказӣ дар бофтори таҳдидҳо аз сӯи созмони теруристии "Давлати исломӣ" зарурӣ карда буд, ки дар Сурияву Ироқ шикаст хӯрдаву ба Афғонистон рӯ овардааст", — гуфт сипаҳбад Сидоров дар мусоҳиба бо Sputnik Тоҷикистон.
Дар раванди ин размоишҳо равишҳои пӯшиши ҳавоии ҷангандаҳои бомбафкани дурпарвози Нерӯҳои ҳавоии Русия Ту-95 МС ва ҷангандаҳои шикории Су-30 Нерӯҳои падофанди ҳавоии Қазоқистон ҳангоми бомбаборон ва мушакборон кардани пойгоҳҳои ҷангҷӯён тамрин карда шуданд.
Ҳамчунин дар ин размоишҳо партоби мушакҳои сомонаи тактикии "Искандар" тамрин карда шуд, тавзеҳ дод сипаҳбад Сидоров.
