Русия ва Қазоқистон тарҳи таробарии “Евразия”-ро роҳандозӣ мекунанд

© Sputnik / Валерий Мельников / Гузариш ба медиабонкПоезд ОАО "РЖД". Архивное фото
Поезд ОАО РЖД. Архивное фото - Sputnik Тоҷикистон
Обуна шудан
Ширкатҳои оҳанроҳии Русия ва Қазоқистон тарҳи роҳгузари таробарии “Евразия”-ро тарроҳӣ мекунанд

ДУШАНБЕ, 27 фев — Sputnik. Ширкатҳои таробарии “Роҳи оҳани Русия” (РЖД) ва “Роҳи оҳани Қазоқистон” ёддошти тафоҳуми тарроҳии роҳгузари таробарии саросарии уросиёии “Евразия”-ро имзо карданд, хабар медиҳад РЖД.

“Раиси ҳайъати мудираи ширкати “Роҳи оҳани Русия” Олег Белозеров ва раиси ширкати “Роҳи оҳани Қазоқистон” Қанат Алписбоев ёддошти тафоҳуми ҳамкорӣ дар тарроҳии роҳгузари таробарии оҳанроҳи шитобрави “Евразия”-ро имзо карданд”, —  гуфта мешавад дар ин хабар.

Цистерны с нефтью. Архивное фото - Sputnik Тоҷикистон
Узбакистон нархи баҳрабардорӣ аз роҳҳои оҳанашро барои Тоҷикистон арзон кард

Бар асоси ин ёддошти тафоҳум ду ширкат қарор додаанд, ки дар заминаи тарроҳӣ ва роҳандозии ҳамлу нақли мусофиру бор бо қаторҳои шитобрав, аз ҷумла таробарии мусофиру бор миёни Чин ва Урупо, ҳамкорӣ кунанд.

Ширкатҳои таробарии оҳанроҳии Русия ва Қазоқистон ҳамчунин бо ширкати “Роҳи оҳани Чин” гузинаҳои гуногуни бунгоҳҳои ҷойгузинсозии осаҳои қаторҳои шитобравро баррасӣ хоҳанд кард, ки дар масирҳои Маскав – Қазон – Екатеринбург – Челябинск – Петропавловск – Кӯкчатов – Остона – Қарағанда – Балхаш – Қапчағай – Олтинкӯл ҳаракат мекунанд.

Ширкатҳои оҳанроҳии Русия ва Қазоқистон ҳамчунин қасд доранд дар омодасозии санаду мадракҳои қонунии роҳандозӣ ва баҳрабардорӣ аз роҳгузарҳои таробарии шитобрав ҳамкорӣ кунанд.

Лентаи хабарҳо
0