ДУШАНБЕ, 21 фев — Sputnik. Ба гузориши равобити умумии Вазорати корҳои дохилӣ, вазир аз синфхона, хобгоҳ, ошхона ва гӯшаи ҳунарҳои мардумии қисми ҳарбии 07150, ки бахшида ба "Соли рушди сайёҳӣ ва ҳунарҳои мардумӣ" таъсис дода шудааст, дидан намудааст.
Зимни вохӯрӣ бо афсарону сарбозони қисми низомии 6592, аз иншооти ҷадид боздид карда, бо шароити хизмативу маишии афсарону сарбозон аз наздик ошно шудааст.
Вазири корҳои дохилӣ аз марҳилаҳои ташаккули Артиши миллӣ ёдовар шуда, гуфтааст, ки "Қувваҳои Мусаллаҳи Тоҷикистон давраҳои вазнину мураккабро тай намуда, таҳти роҳбарии Эмомалӣ Раҳмон ба яке аз сохторҳои боэътимоди давлату миллат табдил ёфтаанд".
Манбаъ афзуда, ки ба муносибати Рӯзи Артиши миллӣ бо Фармони Вазорати корҳои дохилӣ як қатор афсарону сарбозони қисмҳои ҳарбии 07150 ва 6592 бо туҳфаҳои хотиравӣ қадрдонӣ гардиданд.
