ДУШАНБЕ, 30 янв — Sputnik. Созмони садову симои Ҷумҳурии Исломии Эрон аз роҳандозии шабакаи моҳвораии “ifilm-2” бо ҳадафи пахши филмҳои синамоӣ ва сериалҳо барои Тоҷикистон ва Афғонистон хабар дод, гузориш медиҳад “ParsToday”.
“Дар ҳавзаи забони форсӣ ва тамаддуни эронӣ ба зудӣ шоҳиди роҳандозии шабакаи “ifilm-2”, яъне “ifilm”-и форсӣ барои кишварҳои Афғонистону Тоҷикистон хоҳем буд”, — гуфтааст Паймон Ҷибиллӣ, муовини бурунмарзии раиси Созмони родютелевизиюнии Эрон.
Ин созмон чанд сол пеш шабакаи моҳвораии “ifilm”-ро роҳандозӣ карда, ки шабонарӯзӣ ба се забон – арабӣ, инглисӣ ва форсӣ дар саросари ҷаҳон филму сериалҳои эронӣ пахш мекунад.
