ДУШАНБЕ, 13 янв — Sputnik. Тавре дафтари матбуотии раиҷумҳури Тоҷикистон иттилоъ медиҳад, имрӯз кишвардори Тоҷикистон Эмомалӣ Раҳмон бо имзои як фармон раиси вилояти Суғд Абдураҳмон Қодириро бо далели бознишастагӣ баромданаш аз мақомаш барканор кард.
"Мутобиқи моддаи 69 Конститутсияи Ҷумҳурии Тоҷикистон фармон медиҳам:
Абдураҳмон Қодирӣ бо сабаби ба нафақа баромаданаш аз вазифаи раиси вилояти Суғд озод карда шавад.",- омадааст дар фармони вижаи раисҷумҳур.
Раиси пешини Хуҷанд Раҷаббой Аҳмадзода бо як фармони дигари Эмомалӣ Раҳмон иҷрокунандаи вазифаи раиси вилояти Суғд таъин шудааст.
"Мутобиқи моддаи 69 Конститутсияи Ҷумҳурии Тоҷикистон фармон медиҳам:
Аҳмадзода Раҷаббой иҷрокунандаи вазифаи раиси вилояти Суғд таъин карда шавад",-омадааст дар фармони рақами 988-уми раисҷумҳур.
