ДУШАНБЕ, 19 дек — Sputnik. Дар Душанбе намоишгоҳи "Истеҳсоли Хитой"-Тоҷикистон 2017" оғоз гардид, иттилоъ Палатаи савдо ва саноати ҶТ.
Бино бар иттилои манбаъ, маросими ифтитоҳи намоишгоҳ рӯзи гузашта дар Кохи Борбад баргузор гардид.
Тавре манбаъ меафзояд, дар намоишгоҳ зиёда аз 70 ширкат ва корхонаҳои бонуфузи музофоти Шандун, Хенан, Хубей ва музофоти мухтори Синҷон-Уйғури Чин ширкат карданд.
Манбаъ қайд мекунад, мақсад аз ташкили намоишгоҳи "Истеҳсоли Хитой"-Тоҷикистон 2017" рушди муносибатҳои дуҷонибаи тиҷоративу иқтисодӣ ва илмиву техникӣ, таъсиси корхонаҳои муштарак, дарёфти шарикон, ҷалби сармояву технологияҳои муосир, афзоиши ҳаҷми муомилоти моли дуҷониба мебошад.
Имрӯз дар доираи намоишгоҳ ҳамоиши соҳибкорони Чин ва Тоҷикистон баргузор мегардад.
