ДУШАНБЕ, 12 дек — Sputnik, Фотима Яҳёева. Барои нахустин бор дар Тоҷикистон озмуни зебоӣ ва истеъдоди "Мисс ва Мистер Тоҷикистон" баргузор шуд. Ин озмун рӯзҳои истироҳатӣ дар шаҳри Душанбе гузашт.
Ҳамин тавр унвони "Мистер Тоҷикистон" насиби Багдан Ҳасанов шуд. Ӯ мудел нест. Касбаш сартарош аст.
Унвони "Мисс Тоҷикистон"-ро Малика Қаюмова, ки ду сол боз ба фаъолияти муделӣ машғул аст, соҳиб шуд.
Гран-прии озмунро мудели ҳирфаӣ Ёсуман Холова соҳиб шуд. Ӯ имсол дар озмуни байнулмилалии Miss Global Tourism 2017 дар Чин дуввумин забосанами ҷаҳон интихоб шуд.
Дар баробари ин дар озмун зебосанамҳои хурдсол ҳам ширкат карданд. Ҳамин тавр унвони Mini Miss Tajikistan-ро аз байни кӯдакони аз 3 то 8-сола Шаҳбону Ғуфронзода гирифту унвони Teen Miss Tajikistan — миёни зебосанамҳои аз 9 то 13-сола насиби Анастасия Ивановна ва унвони Young Miss Tajikistan — миёни иштирокчиёни аз 18 то 24-сола ба Яқубова Нозанин дода шуд.
Озмуни "Мисс ва Мистер Тоҷикистон" даври интихобии тарҳи озмуни зебоии ҷаҳонӣ мебошад, ки таҳти раёсати Пер Карден баргузор мешавад.
Ҷоизаи аслии озмун-роҳхат ба озмуни ҷаҳонии Astana Fashion Beauty мебошад.
Дар умум дар озмуни зебоӣ беш аз 200 кас аризаи ширкат дода буд. Аз ин ҳисоб 58 довталаб ба даври ниҳоӣ роҳ ёфт.
Ҳайъати доварон аз коршиносони маҳаллию хориҷӣ иборат буд: Гулнора Толеугазинова —мудири маркази продюсерии Inkar Sezim, Ниссо Қаюмова — мудири NEW ERA Pro Group, Умед Кучкалиев – мудел ва тарроҳи машҳури тоҷик, Зумрад Боқииева ва дорандаи унвони "Мисс зрительских симпатий" дар озмуни байнулмилалии Miss Asia 2017, ки дар Ҳиндустон баргузор шуд — Моҳинур Замирова.
