ДУШАНБЕ, 5 дек — Sputnik. Ситораи Болливуд Шаши Капур дар синни 80-солагӣ вафот кард, хабар медиҳад ожонсии United News of India.
Гуфта мешавад, ҳунарманд дар яке аз беморхонаҳои Мумбай пас аз бемории тӯлонӣ вафот кардааст.
Шаши Капур дар чанде аз филмҳои машҳури ҳиндӣ нақш бозидааст. Дар соли 1989 ҳунарманд якҷоя бо мутахассисони кинематографияи Иттиҳоди Шуравӣ афсонаи "Шоҳзодаи сиёҳ Аҷуба"-ро ба навор гирифта буд.
Дар соли 2015 Шаши Капур ба ҷоизаи воломақоми соҳаи киноматография дар Ҳиндустон ноил шуда буд.
