ДУШАНБЕ, 29 ноя — Sputnik. Вазорати умури дохилаи Тоҷикистон хабар медиҳад, ки дар шаҳри Душанбе як ронандаи 25-сола дар натиҷаи сонеҳаи нақлиётӣ кушта шуд.
Бино бар иттилои манбаъ, ҳодиса субҳи 28-уми ноябр дар наздикии "Гимнизияи хусусии Тоҷикистон" дар шаҳри Душанбе рух додааст.
"Ронандаи худрави "Мерседес-Бенс" Эмомназар Худойназаров аз ӯҳдаи идораи воситаи нақлиёт баромада натавониста, ба симчӯби канори роҳ бархӯрдаст",- гуфта мешавад дар хабар.
Бино бар иттилои ВУД, Худойназаров дар натиҷаи бардоштани ҷароҳати вазнини ҷисмонӣ дар ҷойи ҳодиса ба ҳалокат расид.
