ДУШАНБЕ, 18 ноя — Sputnik. Як манбаъ аз мақомот хабар дод, ки шаби гузашта дар натиҷаи занозанӣ ва тирпарронӣ дар назди маҷмааи "Москва-сити" осеб диданд.
Гуфта мешавад, дар пайи ин ҳодиса се худрав ба пайгард эълон шудааст. Кормандони пулиси Маскав гумонбарони ҳодисаро ҷустуҷӯ доранд.
Қайд мешавад, онҳо бо худрави тамғаи Maybach аз ҷойи ҳодиса ғайб задаанд.
Расман таъйид шуд, ки дар ин ҳодиса шаш тан осеб диаанд. Дар ҷойи ҳодиса гурӯҳи тафтишотӣ кор мекунад.
"Гумонбарони ҳодиса, ки бо худравҳои Maybach, Toyota Land Cruiser и Lexus паноҳ бурданд, ҷустуҷӯ мешаванд",- қайд мекунад манбаъ.
Ӯ афзудааст, ҷанҷол дар ресторани Crystal Ballroom дар маҷмааи "Москва-сити" сар шудааст. Дар пайи рухдод тафтишот идома дорад.
Ёдовар мешавем, кохирҳои моҳи сентябр нигаҳбонони фурӯшгоҳи "Москва" чанд муҳоҷири тоҷикро лату кӯб карда буданд. Бархе аз расонаҳо хабар доданд, ки яке аз латукӯбшудагон кушта шуда, ки хашми мардумро бар ангехт ва камобеш 250 кас аз муҳоҷироне, ки дар он фурӯшгоҳ кор мекарданд, шабона даст ба тазоҳурот заданд. Пулиси Русия 90 кас аз онҳоро боздошт кард.
21 сентябр тоҷикон боз дар назди он фурӯшгоҳ ҷамъ шуданд, то эътирози худро баён кунанд. Аммо мақомот ин гирдиҳамоиро ғайриқонунӣ хонданд ва аз муҳоҷирон хостанд пароканда шаванд.
