ДУШАНБЕ, 9 ноя — Sputnik. Бино бар иттилои хабаргузории РИА Новости артиши Сурия шаҳри Абу-Камолро, ки охирин такягоҳи гурӯҳи теруристии "Давлати исломӣ" (мамнуъ дар Тоҷикистон) буд, ба дасти худ гирифт.
Бино ба иттилои манбаъ, низомиён аммалиёти поксозии шаҳр аз дастгоҳҳои таркандаву минаҳои гузоштаи ҷангҷӯёни ДОИШ-ро оғоз кардаанд.
Чуноне, ки намояндаи артиши Сурия зикр намуд, бино бар ҳамлаҳои шадиди артиши ҳукуматӣ ва нерӯҳои ҳамдасташон теруристҳо рӯ ба фирор овардаанд. Ба гуфтаи ӯ, ҷангиён ба деҳаи Ал-Сукария ақибнишинӣ карда, аз рӯди Фурот ба каронаҳои шарқӣ мегузаранд.
Чанде пеш иттилоъ расида буд, ки артиши Сурия шаҳри Абу-Камолро ҳадафи гулӯлаборон қарор додааст. Минтақаи мазкур то ин дам зери зарбаҳои нерӯҳои ҳавоии Русия ва мушакҳои болдори "Калибр" қарор гирифта буд.
Ёдовар мешавем, ки дар давоми ду моҳи охир ба артиши Сурия муяссар гардид, ки дар озод намудани ҳудудҳои кишвар аз террористон ба пешравиҳои назаррас ноил гардад. Аввали моҳи сентябр муҳосираи сесолаи Дайр-уз-Зор барҳам дода шуд ва миёнаи моҳи октябр неруҳои ҳукуматӣ истеҳкомоти муҳими дигари гурӯҳи террористии "Давлати исломӣ" — шаҳри Маёдинро зери назорат гирифтанд. Ҳамчунин 3 ноябр шаҳри Дайру-з-Зур пурра озод карда шуд.
