ДУШАНБЕ, 8 ноя — Sputnik. Дар Маскав нахустин мизи гирди Русияву Афғонистон баргузор шуду рӯзи 6 ноябр онро хулосабарорӣ карданд.
Ширкаткунандагони ин муҳокима мушкилоти қочоқи маводи мухадирро аз Афғонистон ба кишварҳои Осиёи Марказӣ баррасӣ карданд. Тибқи баҳогузории СММ оид ба ҷинояткорӣ ва қочоқи маводи мухаддир дар соли 2015-2016 ҳаҷми истеҳсоли ин мавод аз 3000 то 4800 тонна зиёд шуд.
Дар соли 2017 ҳам, коршиносон афзоиши ҳаҷми истеҳсоли маводи мухадирро аз эҳтимол дур намедонанд.
Ба гуфти коршинос дар бораи коҳиши интиқоли маводи мухаддир тариқи Осиёи Марказӣ ба Русия сухане нест.
"Марзи Тоҷикистону Афғонистон хуб ҳимоя намешавад. Марзи ҷониби Помир, ки дарозтарин аст, аз ҷониби сарбозони рус ҳимоя намешавад. Барои ҳамин қочоқи маводи мухаддир наметавонад коҳиш ёбад", — гуфт Багдасаров дар суҳбат бо Sputnik Тоҷикистон.
Ин коршинос қайд мекунад, ки Пойгоҳи 201-умро бояд барои мубориза бар зидди гардиши маводи мухаддир ҷалб кард.
