ДУШАНБЕ, 6 ноя — Sputnik. Мусиқидон, навозанда ва фалаксарои номдори тоҷик Давлатманд Холов дар бахше аз барномаҳои нахустин Ҷашнвораи ҳунарии форсизабони Урупо ҳунарнамоӣ хоҳад кард .
Ба гузориши хабаргузории эронии "Форс", нахустин Ҷашнвораи ҳунарии форсизабонони Урупо ба ҳиммати Анҷумани фарҳангӣ-ҳунарии "Персиана" моҳи январи 2018 дар шаҳри Порис — пойтахти Фаронса баргузор мешавад.
Дар ин ҷашнвора ҳамчунин Ҳумоюн Шаҷариён, писари маъруфтарин овозхони эронӣ Муҳаммадризо Шаҷариён бо гурӯҳаш "Симурғ" ва гурӯҳе низ аз Афғонистон ширкат хоҳанд кард.
Давлатманд Холов чанде пеш нишони тиллоии кишвари Фаронсаро аз Жак Ширак, раисҷумҳури пешини он кишвар дарёфт карда буд.
То кунун чанд албом аз гузидаи осори вай дар Эрон низ мунташир шудааст.
