ДУШАНБЕ, 1 ноя— Sputnik. Ба гузориши равобити умумии Вазорати корҳои хориҷии ҶТ, ин намоишгоҳ рӯзи 29 октябр баргузор гардидааст.
Сафорати Тоҷикистон бо омода кардани гӯшаи "Тоҷикистон" дар ярмаркаи иштирок карда, маснуоти сузанию гулдузӣ, ҷуроббофӣ ва дигар ҳунарҳои дастию савғотиҳои миллӣ, инчунин атлас, асбобҳои мусиқӣ, либосҳои мардонаю занонаи минтақаҳои гуногуни кишварро ба намоиш гузашта ба фурӯш баровард.
Дар чорабинӣ ҳамчунин дастурхони тоҷикӣ ороста шуда, ба меҳмонон хӯрокҳо ва пухтаниҳои миллӣ пешниҳод гардид.
Маблағи пулии аз фурӯш бадастомада ба мақсадҳои хайриявии ярмаркаи зикршуда – сохтмони муассисаи тиббӣ дар яке аз деҳаҳои музофоти Юннани Чин тақдим карда шуд.
Дар чорабинии мазкур иштироккунандагон зиёда аз 80 намояндагиҳои дипломатӣ ва созмонҳои байналмилалии кишвари иқомат ширкат варзиданд ва ҳар як кадом гӯшаи алоҳидаи худро бо маводҳои инъикоскунандаи фарҳангу санъати онҳо ва хӯрокҳои миллиашон доштанд.
