ДУШАНБЕ, 27 окт — Sputnik. Дабири Шурои амнияти Русия Николай Патрушев ба Тоҷикистон меравад. Тавре Вазорати умури хориҷаи Тоҷикистон хабар медиҳад, ҳайъати Русия бо роҳбарии мудири Шурои амнияти кишвар ба Тоҷикистон сафар хоҳад кард.
Гуфта мешавад, намояндагони Русия рӯзҳои 31-уми октябр —1-уми ноябр ба Тоҷикистон сафар хоҳанд кард. Интизор меравад, ки Патрушев бо раисҷумҳури Тоҷикистон Эмомалӣ Раҳмон мулоқот кунад.
Ёдовар мешавем, чанде пеш вазири дифои Русия Сергей Шойгу дар ҳошияи Нишасти Шурои вазиони дифоъи кишварҳои узви Иттиҳодияи давлатҳои мустақил, ки дар Душанбе баргузор гардид, ба Тоҷикистон сафар карда буд.
