ДУШАНБЕ, 16 окт — Sputnik. Юсуф Раҳмон ва шайх Сауд Ибн Абдуллоҳ Алмуаҷиб дар бораи ҳамкориҳои ду кишвар дар заминаи равобити ҳуқуқӣ ва расонидани ёрии ҳуқуқӣ дар мавриди парвандаҳои ҷиноӣ табодули афкор намуданд.
16 октябри 2017, 13:00
Ба гузориши хадамоти матбуотии Додситонии кулли ҶТ, дар ин дидор масоили истирдоди ҷинояткорон, бозпас додани зиндониён барои адои ҷазо дар зодбум, баррасии сатҳи ҷинояту ҷинояткорӣ, мубориза бо теруризму ифротгароӣ, хариду фурӯши одамон, муҳоҷирати корӣ баррасӣ шуданд.
Додситони кулли Подшоҳии Арабистони Саудӣ дар дувумин нишасти Форуми иқтисодӣ ва ҳамкории арабӣ бо кишварҳои Осиёи Марказӣ ва Озарбойҷон ширкат кард, ки имрӯз дар шаҳри Душанбе баргузор шуд.
