ДУШАНБЕ, 16 окт — Sputnik. Вазорати умури дохилаи Тоҷикистон иттилоъ медиҳад, ки марде дар Варзоб гулӯи ҳамсарашро бупруда, сипас манзили истиқоматиашро оташ задааст.
Бино бар иттилои манбаъ, гумонбаршуда пас аз ҷанҷол бо ҳамсар, дар сари қаҳр гулӯи занро мебурад ва сипас манзили истиқоматиашонро оташ мезанад.
Дар натиҷаи сӯхтор молу ашёҳои хона дар масоҳати 120-метри мураббаъ сӯхта нобуд шудааст. Зарари расонидашуда 35000-сомониро ташкил медиҳад.
Зану шавҳар ҷароҳати ҷисмонӣ бардошта, дар беморхона қарор доранд.
