ДУШАНБЕ, 5 окт — Sputnik. Салмон бин Абдулазиз Оли Сауд дар дидор бо Владимир Путин бар тамоюли Арабистон ба идомаи ҳамкорӣ бо Русия ба манзури дастёбӣ ба субот дар бозори нафт таъкид кард.
"Мо тамоюл ба идомаи ҳамкории мусбат миёни ду кишвар барои дастёбӣ ба субот дар бозори нафти ҷаҳон барои рушди иқтисоди ҷаҳонӣ дорем", — гуфт подшоҳи Арабистони Саудӣ дар ин дидор.
Ин нахустин дидори подшоҳи Арабистони Саудӣ аз Русия дар солҳои ахир аст ва бисёре аз коршиносон онро торихӣ номидаанд.
Дар солҳои ахир эҷоди равобити ҳасана миёни Русия ва Арабистон, ки аз бузургтарин тавлидкунандагону содиркунандагони нафт дар ҷаҳон ҳастанд, бисёр мавриди таваҷҷуҳи Маскав ва Риёз будааст.
