ДУШАНБЕ, 4 окт — Sputnik. Ба гузориши Додситонии кулли Тоҷикистон, додгоҳ Дилшод Абдураҳмоновро муттаҳам ба узвият дар гурӯҳи теруристии "Давлати исломӣ" (ДОИШ) кардаву муҷрим шинохтааст.
Гуфта мешавад, ки вай соли 2016 барои корҷӯӣ ба шаҳри Маскав рафтаву пас аз чанде дар шабакаҳои иҷтимоъӣ бо "Абусалоҳ" ном як таблиғгари ДОИШ ошно мешавад ва ба ин созмони теруристӣ мепайвандад.
Дилшод Адбдураҳимов мехоста аз роҳи Туркия ба Сурия раваду дар ҷанг ширкат кунад. Бо ин қасд вай барои парвози Максав — Истамбул дар торихи 16 июли соли 2017 билет харида будааст. Вале кормандони нерӯҳои амниятии Маскав ӯро дар фурӯдгоҳи Жуковский боздошт карда ва ба нерӯҳои амниятии Тоҷикистон супурдаанд.
