ДУШАНБЕ, 1 окт — Sputnik. Дар Қирғизистон вакили парлумон ба иттиҳоми омода кардани бетартибиҳо ва ғасби ҳукумат дар сурати пирӯз нашудани Омурбек Бабанов дар интихобот дастгир шуд.
Дар ин бора хадамоти матбуотии Кумитаи амнияти миллӣ хабар медиҳад.
"Рӯзи 30 сентябр нисбати вакили парлумон Қанотбек Исоев ва дигар аъзоёнаш, ки ба омода кардани бетартибиҳо ва ғасби ҳукумат машғул буданд парвандаи ҷиноӣ боз шуд", — омадааст дар хабарнома.
Пештар нисбати вакили парлумон Қанотбек Исоев парвандаи ҷиноӣ кушода шуда буд. Кумитаи амният мегӯяд, ки нисбати ин вакил ба делели омода кардани бетартибиҳо дар сурати мағлубитяи Омурбек Бабанов (номзад ба симати раисҷумҳур), дар интихобот парванда боз шудааст.
Додситонӣ мегӯяд, ки "Исоев ҷонибдори номзад ба симати раисҷумҳурӣ-Омурбек Бабанов аст. Ӯ бо маслиҳати пешакӣ бо шахсони алоҳида аз ҷумла намояндагони гурӯҳҳои теруристӣ барои ғасби ҳукумат дар сурати бохти Бабанов шӯришҳо ва бетартибиҳои мусаллаҳона омода мекунад".
