ДУШАНБЕ, 24 сен — Sputnik. Пизишкони рус дар давоми се рӯз ба беморон маслиҳат ба барои пизишкони тоҷик мастер-класс мегузаронанд. Ба гузориши равоибити умумии Россотрудничество, ин чорабинҳо дар чорчӯби Рӯзҳои фарҳанги Русия дар Тоҷикистон гузаронида мешаванд.
"Маросими оғози Рӯзҳои фарҳанг бо ширкати вазири фарҳанги Тоҷикистон Шамсиддин Орумбекзода ва муовини вазири фарҳанги Русия Сергей Обривалин баргузор мешавад, дар ин рӯз ансамбли операи шаҳри Осетия "Алан" барои мардуми Душанбе ҳунарнамоӣ хоҳан кард", — омадааст дар хабарномаи РИА Новости.
Рӯзи Душанбе ҳайъати шаҳри Санкт Петербург бо шаҳрдори пойтахт Рустам Эмомалӣ дидор мекунад. Ҳайъати шаҳри Птеребургро ноиби губернатори ин шаҳр Анна Митянина раҳбарӣ мекунад.
"Дар ин дидор ҳамкориҳои дуҷониба баррасӣ хоҳанд шуд", — гуфта мешавад дар иттилоъия.
Гуфта мешавад, ки пизишкони рус дар давоми се рӯз дар табобатхонаи "Истиқлол" Душанбе ба беморон маслиҳат ба барои пизишкони тоҷик мастер-класс мегузаронанд.
Дар баробари ин ҳунармандони Театри Марина барои мардуми Душанбе барномаҳои консертӣ омода кардаанд.
Дар чорчӯби Рӯзҳои фарҳанг ба Тоҷикистон ҳайъати эҷодии Ансамбли давлатии академии рақсии "Алан" ва гурӯҳи созии "Триои Консерваторияи Москва" меоянд.
Маросими оғоз рӯзи 24 сентябр соати 18:00 дар Театри давлатии академии опера ва балети ба номи С. Айнӣдар назар аст.
Барномаи консертӣ дар Донишкадаи давлатии фарҳанг ва санъати Тоҷикистон, намоишгоҳи "Русский север" дар Театри давлатии академии опера ва балети ба номи С. Айнӣ, дарси сайқали маҳорат дар Консерваторияи миллии Тоҷикистон ба номи Талаб Сатторов, вохӯрии эҷодӣ дар Донишгоҳи славянии тоҷику рус аз ҷумлаи маросимҳоянд, ки дар доираи Рӯзҳо ба нақша гирифта шудаанд.
Ҳунармандони рус ҳамчунин дар шаҳрҳои Хуҷанд, Қурғонтеппа ва Турсунзода ҳунарнамоӣ хоҳанд кард.
Рӯзҳои фарҳанги Русия дар Тоҷикистон аз 23 сентябр то 27 ҳамин моҳ давом мекунад.
