ДУШАНБЕ, 21 сен — Sputnik. Вазорати умури дохилаи Тоҷикистон хабар медиҳад, ки марде дар ноҳияи Ҳисор ҳамсари бародарашро корд зад.
Бино бар иттилои манбаъ, муттаҳам — марди 43-солаи сокини ноҳияи мазкур, рӯзи 20-уми сентябр дар ҳолати мастӣ ба манзили истиқоматиашон омада, бо ҳамсари бародараш ҷанҷол мекунад.
ВУД мегӯяд, бо ин далел мард бо корди дар дасташ буда, 4 бор ба аъзои бадани зан корд мезанад.
Ҳоло ҷабрдида- зани 24 сола дар бемористони ноҳия бистарӣ шудааст.
Аз рӯйи ҳодиса мазкур парвандаи ҷиноӣ боз шуда, тафтишот идома дорад.
