ДУШАНБЕ, 20 сен — Sputnik. Вазорати фарҳанги Тоҷикистон иттилоъ дод, ки рӯзҳои фарҳангии Тоҷикистон дар Узбакистон муайян шуданд.
Бино бар иттилои манбаъ, Тоҷикистон фарҳангашро дар ҳамсоякишвар аз 10 то 14 октябри соли равон намоиш медиҳад.
Бино бар иттилои манбаъ, барномаи Рўзҳои фарҳанги Тоҷикистон дар Узбакистон аз намоиши аккосии "Тоҷикистони муосир", намоиши "Китобҳои Тоҷикистон" намоиши ду филми пурраи Носир Саидов "Қиёми рӯз" ва "Муаллим" намоиши маҳсулоти ҳунарҳои мардумӣ ва барномаи консертии устодони санъати тоҷик иборат аст.
Дар барномаи консертӣ дар шаҳри Тошкент ҳунарнамоии устодони варзида ва ҷавонони соҳибистеъдоди санъати тоҷик ба мисли Давлатманд Холов, Афзалшо Шодиев, Саидқул Билолов, Фотима Машрабова, Шарофат Усмонова, Амирҷон Рӯзиев,Хуршед Иброҳимов, Муҳаммадрафӣ Кароматулло,Дилноза Каримова, ДамирбекОлимов дар назар аст.
Санъати рақси миллии тоҷикро дар Узбакистон Ансамбли овозадори рақсии "Зебо" муаррифӣ хоҳад кард.
Бино бар иттилои манбаъ, мақсад аз баргузории Рӯзҳои фарҳангии Тоҷикистон дар Узбакистон таҳкими равоти ду кишвар аст.
