ДУШАНБЕ, 2 сен — Sputnik. Вазорати умури дохилаи Тоҷикистон мегӯяд, як марди хуҷандиро ба иттиҳоми қаллобӣ дастгир кардааст.Бино бар иттилои манбаъ, кормандони милиса ҳангоми гузаронидани амалиётҳои ҷустуҷӯӣ марди 46-солаи сокини шаҳри Хуҷанд, ҳамчун гумонбар дар содир намудани ҷинояти қаллобӣ дастгир карданд.
Тафтишот муайян кардааст, ки гумонбаршуда моҳи октябри соли 2014, бо роҳи фиреб ба боварии марди 49-солаи сокини ҳамин шаҳр даромада, аз ӯ 300 ҳазор доллари амрикоиро гирифта, аз он 131 ҳазору 500-доллари амрикоиро дода, боқимонда 168 ҳазору 500-доллари амрикоиро то ҳол барнагардонидааст.
Вазорат мегӯяд тафтишот идома дорад.
