ДУШАНБЕ, 11 авг — Sputnik. Вазорати умури дохилаи Тоҷикистон субҳи имрӯз аз дастгир шудани як шаҳрванди 26-сола дар шаҳри Душанбе ба иттиҳоми ташкили фоҳишахона дар манзилаш хабар дод.
Бино бар иттилои манбаъ, ин муттаҳам 9 август бо марде 34-сола ҳамдаст шуда хонаашро, ки дар кӯчаи Ҳисор ҷой дорад, барои се марду се зан — марди 31-солае аз Душанбе, зани 37-солае аз ноҳияи Ҳисор, марди 31-солае аз кӯчаи Мушфиқӣ, зани 43-солае аз кӯчаи Ҳисор, марди 24-солае аз кӯчаи Нисор Муҳаммад ва зани 22-солае аз кӯчаи Нусратулло Махсум барои муносибатҳои маҳрамона вогузор карда ва аз онҳо 800-сомонӣ пул гирифтааст.
Нерӯҳои интизомӣ барои бозҷӯии ин қазия парванда оғоз карда, ҷузъиёташро бозрасӣ доранд.
