ДУШАНБЕ, 10 авг— Sputnik. Бино ба гузориши Р-Спорт, ин нуктаро Дилшод Назаров дар ҳошияи сабқати ҷаҳонӣ гуфтааст, ки ҳамин рӯзҳо дар Лондон баргузор мешавад.
Дилшод Назаров рӯзи чаҳоршанбе гурзро ба масофаи 75,54 метр партоб када, (бештар аз масофаи тахассусӣ-75,50) ба даври ниҳоӣ роҳ ёфт. Ҳангмоми баргузории мусобиқа борони сахт меборид.
"Борон халалам нарасонд, баръакс, кумакам кард. Вақте замини майдон хушк бошад, ҳама аз номусоъидии он шикоят мекунанд. Имрӯз замини партобгоҳ нармтар шуд ва пойҳо худашон давидан гирифтанд", — гуфт Назаров ба рӯзноманигорон.
Ин мусобиқот ҳамакнун ҳам идома доранд. Даври ниҳоии сабқати ҷаҳонӣ аз рӯи варзиши сабук дар Лондон пагоҳ, 11 август баргузор мешавад.
