ДУШАНБЕ, 7 авг — Sputnik. Бино ба гузориши равобити умумии ВКД ҶТ, ба мақомоти милитсия марди 25-солаи сокини ноҳияи Рӯшон аз ҳодисаи ғоратгарӣ шикоят кардааст.
Ба иттилоъи манбаъ, рӯзи 3 август, тахминан соати 19:00-дақиқа, шахсони номаълум дар боғи “Ғалаба”-и шаҳри Хоруғ ӯро лату кӯб карда, аз дасташ 1 ҳазору 500 сомониро гирифта, аз ҷойи ҳодиса ғайб задаанд.
Дар паи баргузории корҳои вижаи ҷустуҷӯӣ кормандони мақомоти интизомӣ марди 35-солаи сокини шаҳри Хоруғро бо иттиҳоми ғоратгарӣ дастгир карданд.
Манбаъ меафзояд, ки аз рӯи ин қазия парвандаи ҷиноӣ оғоз гардида, тафтишот давом дорад.
