ДУШАНБЕ, 27 июл — Sputnik. Вазорати умури дохилаи Тоҷикистон аз рухдоде дар шаҳри Турсунзода иттилоъ медиҳад.
Бино бар иттилои манбаъ, кормандони милисаи ин шаҳр зани 24-солаеро дастгир кардаанд, ки ба ҷурми қасдан расонидани зарари ҷимонӣ муттаҳам мешавад.
Номбурда, рӯзи 26-уми июли соли 2017 дар манзили истиқоматиаш аз сабаби муноқишаи ба миён омада, бо модарандараш, зани 33-сола ҷангу ҷанҷол карда, бо корди дар дасташ буда, як маротиба ба шикамаш задааст.
Дар натиҷа ҷабрдида ҷароҳати ҷисмонӣ бардошта, дар беморхона бистарӣ гаштааст.
Нисбати ин қазия тафтишот идома дорад.
