ДУШАНБЕ, 24 июл — Sputnik. Бино ба иттилоъи равобити умумии Кумитаи миллии олимпӣ, паҳлавони тоҷик Комроншоҳ Устопириён дар сабқати ҷудои Ҷоми Урупо мақоми севмро ба даст овард.
Сабқати ҷудои Ҷоми Урупо рӯзҳои истироҳат дар шаҳри Минск баргузор шуд. Устопириён дар ин мусобиқа рақибонашро аз Белорус ва Русия мағлуб карда, аз варзишкори исроилӣ шикаст хурд.
Дар размоиш барои мақоми сеюм, паҳлавони тоҷик намояндаи Венгрияро мағлуб кард. Комроншоҳ аз пирӯзиаш дар саҳифаи фейсбукаш хабар додааст.
Дар ин мусобиқа 400 ҷудочӣ аз 52 кишвар ширкат карданд.
