ДУШАНБЕ, 21 июл — Sputnik. Вазири рушди иқтисод ва бозаргонии ҶТ Неъматулло Ҳикматуллозода аз афзоиши чашмгири теъдоди балоҳои табиъӣ дар Тоҷикистон гуфт.
Ба гузориши дафтари иттилоърасонии Вазорати умури хориҷа, дар қароргоҳи аслии Созмони милали муттаҳид дар Ню-Йорк севумин ҳамоиши "Созгорӣ бо тағйири иқлим ва балоҳои табиъии обовард" баргузор гардид.
Вазири рушди иқтисоду бозаргонии ҶТ дар ин ҳамоиш гузоришеро ироя кард, ки дар он бар афзоиши асару таъсири тағйири иқлим бар вазъи зистшинохтӣ дар кишвар ёдоварӣ шуда, аз ҷумла иттилоъот дар бораи камтар шудани масоҳати пиряхҳо дар Помир таъйид гардид.
Неъматулло Ҳикматуллозода умедвор шуда, ки барномаи Даҳсолаи байналмилалии "Об барои тавсеъаи пойдор 2018 — 2028" ба таҳкими иқтидор ва табодули таҷрибаву дониш, баланд бардоштани сатҳи ҳамкорӣ ва корёрӣ дар заминаи пешгирӣ аз балоҳои табиъии обовард мусоъидат хоҳад кард.
