ДУШАНБЕ, 18 июл — Sputnik. Номи шашумин духтари раисҷумҳури Тоҷикистон дар вебгоҳи расмии ҶСК "Ориёнбонк" дар бахши "Роҳбарият" оварда шудааст.
Раиси ин бонк Ҳасан Асадуллозода, бародари ҳамсари Эмомалӣ Раҳмон, аст.
Зарина Раҳмон 23-сола аст. Вай дар Бритониё таҳсил кардаву дар соли 2010 чанд моҳе дар бахши инглисии барномаи "Ахбор" дар шабакаи аввали телевизиюни давлатии Тоҷикистон коромӯзӣ карда аст. Ӯ дар соли 2013 бо Рамз Зуҳуров, писари калонии Бег Сабурӣ, раиси Хадамоти алоқаи Тоҷикистон, издивоҷ кард.
Ҳамзамон бо Зарина Раҳмон, Шуҳрат Исматуллоев ва Одилшо Кабиров низ муъовинони раиси ҶСК "Ориёнбонк" мансуб шудаанд.
