ДУШАНБЕ, 18 июл — Sputnik. Раисҷумҳури Русия Владимир Путин дар намоишгоҳи байналмилалии ҳавофазонавардӣ (МАКС) дар фурудгоҳи Жуковский ҳайъати ҳукуматии Русияро бо яхмос меҳмондорӣ кард.
Нахуст раисҷумҳур аз фурӯшанда анвоъи яхмосро пурсон шуд ва сипас барои худаш яхмосе аз навъи "пломбир" интихоб кард.
Путин ба фурӯшанда пули ҳазоррублӣ дароз кард, аммо бақияашро нагирифту дархост кард, ки ба ҳайъате, ки ӯро ҳамроҳӣ мекард, яхмос диҳад.
Рогозин: Я как экс-спортсмен воздерживаюсь от мороженого, чтоб не набрать вес. А тем, кто сейчас в хорошей спортивной форме, почему не есть? pic.twitter.com/2whGPN0PHx
— Дмитрий Смирнов (@dimsmirnov175) 18 июля 2017 г.
"Аз бақияаш ба онҳо диҳед",- гуфт Путин ба фурӯшанда ва ба ҳамроҳонаш ишора кард.
Масъулине, ки дар гирди раисҷумҳур меистоданд, ба ханда даромаданд.
"Хоҳишмандон бисёранд", — шӯхӣ кард яке аз онҳо.
Пас аз он, ки ҳамроҳони раисҷумҳур яхмосҳоро ба даст гирифтанд, Путин аз фурӯшанда пурсид, ки оё пули пардохтааш басанда буд ё не?
"Ростӣ, ман ҳисобамро гум кардам", — гуфт дар посух вай.
Спросил у Путина — понравилось ли ему мороженое?: "Вкусное, рекомендую" pic.twitter.com/slS8bmh9jk
— Дмитрий Смирнов (@dimsmirnov175) 18 июля 2017 г.
Пас аз шунидани ин посух, раҳбари ширкати Ростех 5-ҳазоррублӣ ба фурӯшанда дароз кард.
"Имсол даромади ширкати Шумо чанд аст — 80 милёрд, интур ки бошад Шумо метавонед барои худатон яхмос бихаред", — гуфт Путин ба вай шӯхиомез.
Дар фурудгоҳи Жуковский аз 18 июл намоишгоҳи МАКС-2017 оғоз ёфт.
