ДУШАНБЕ, 16 июл — Sputnik. Хабаргузории РИА Новости бо такя ба манбаъ дар Театри Лермонтови Алмаато аз даргузашти ҳунарманди театр ва кино Владимир Толоконников хабар медиҳад.
"Владимир Толоконников имшаб дар шаҳри Маскав даргузашт. Писари ӯ соати чаҳори бомдод дар ин бора ба ман хабар дод", — гуфтааст мусоҳиби хабаргузорӣ.
Манбаъ дар бораи макони хоксупории ҳунарманд огаҳӣ надорад. "Ман ҳоло занги ӯро (писарашро — хабаргузорӣ) интизорам. Ӯ феълан ба зангҳои ман ҷавоб намедиҳад", — афзуда намояндаи Театри Лермонтови Алмаато.
Владимир Толоконников — ҳунарманди даврони Шуравӣ, Ҳунарпешаи шоистаи ҶШС Қазоқистон, пас аз офаридани нақши Шариков дар филми Владимир Бортко — "Собачье сердце" (Дили саг) номдор шуд.
