ДУШАНБЕ, 7 июл — Sputnik. Дар шаш моҳи аввали соли 2017 аз ҷониби кормандони Корхонаи фаръии давлатии кино ва видоеи вилояти Суғд дар натиҷаи гузаронидани рейдҳои муштарак ва бо тартиб додани санадҳо аз нуқтаҳои фиттафурӯшии шаҳру ноҳияҳои вилоят як қатор фиттаҳои пастсифату пастмазмун барчида шудааст.
Тавре аз идораи кино ва видоеи вилояти Суғд иттилоъ доданд, дар нимсолаи якуми соли равон 4000 дона фиттаҳои пастсифату пастмазмун, дорои хусусияти ваҳшонияту зӯроварӣ мусодира ва нобуд карда шудааст.
Зимни гузаронидани рейдҳои муштарак ба соҳибони дӯконҳои фиттафурӯшӣ тавсия дода шуд, ки барои риояи талаботи мавҷуда чораҳои зарурӣ андешанд.
