ДУШАНБЕ, 3 июл — Sputnik. Бино ба иттилоъи равобити умумии ВКД ҶТ Рамазон Раҳимзода ба масъулин барои нигоҳубини дарахтони сояафкан ва бартараф кардани камбудиҳои машқгоҳ супоришҳои мушаххас додааст.
"Ҳангоми ошно шудан бо шароити зарурӣ барои ташкил ва гузарондани машғулиятҳои гуногуни кӯҳӣ, аз ҷумла кӯҳнавардӣ, обутоби ҷисмонӣ ва рӯҳӣ дар шароити душвори кӯҳистон, Рамазон Раҳимзода барои бартараф кардани камбудию норасоиҳо ба масъулин як қатор дастуру супоришҳо дод", — омадааст дар иттилоиъя.
Манбаъ меафзояд, ки ин қароргоҳ барои ташкилу гузарондани машқҳои ҳарбии кӯҳӣ, обутоби ҷисмонию рӯҳию аз обу оташ гузарондани низомиён мувофиқ аст.
Дар ин машқгоҳ ҳамчунин барои истироҳату фароғат ва баргузории чорабиниҳои фарҳангӣ низ шароит муҳайё карда шуда, ҳамасола дар мавсими тобистон кормандони мақомоти интизомӣ дар ин ҷо истироҳат мекунанд.
Сипаҳбад ҳамчунин барои нигоҳубини дарахтони сояафкан ва ҷангалзори гирду атроф ба масъулин супоришҳои мушаххас додааст.
