ДУШАНБЕ, 28 июн — Sputnik. Бино ба иттилоъи равобити умумии ВКД ҶТ вохӯрии Рамазон Раҳимзода бо ҳамтои узбакаш имрӯз, баргузор шудааст.
Гуфта мешавад, ки ҳангоми дидор тарафҳо барои тақвият бахшидани ҳамкориҳои дуҷониба дар самти мубориза бо ҷиноятҳои муташакили фаромиллӣ, аз қабили теруризм, экстремизм, гардиши ғайриқонунии маводи мухаддир табодули афкор намуда, дар ин росто пешниҳоду таклифҳо карданд.
Баргузории нишасти Шӯрои вазирони корҳои дохилии кишварҳои ИДМ ба густариш ёфтани ҳамкориҳои дуҷониба ва бисёрҷониба байни сохторҳои ҳифзи ҳуқуқи давлатҳои аъзо мусоидатхоҳад кард.
