ДУШАНБЕ, 28 июн — Sputnik. Ситоди ҳолатҳои фавқуллода дар вилояти Суғд аз худкушии як зани 39-сола дар рӯзи иди Рамазаон хабар медиҳад.
Бино бар гузориши манбаъ, рӯзи 26-уми июн як сокини ноҳияи Бобоҷон Ғафуров аз рӯи пули хиёбони Исмоили Сомонӣ дар шаҳри Хуҷанд худро ба Сирдарё андохтааст.
Ҷасади ӯро як рӯз пас аз он кормандони Ситоди умури изтирории шаҳри Хуҷанд аз мавзеъи "Волдадром" ёфтаанд.
Манбаъ меафзояд, далоили ин ҳодиса бозҷӯӣ мешавад.
КҲФ аз шаҳрвандони кишвар дархост карда, ки ҷонашонро дар хатар наандозанд ва аз арзишҳои зиндагии худ ва аҳволи хешовандонашон андеша кунанд.
