ДУШАНБЕ, 16 июн — Sputnik. Дафтари иттилоърасонии ВУД Тоҷикистон хабар медиҳад, ки дар шаҳри Душанбе панҷ навҷавон ба иттиҳоми авбошӣ дастгир шудаанд.
Бино ба ин гузориш, кормандони милиса дар паи баргузории амалиёти бозҷӯӣ панҷ навҷавон — донишомӯзони синфҳои болоии яке аз мактабҳои таҳсилоти миёни умумии шаҳри Душанберо ки аз 16 то 18-сола ҳастанд, ба иттиҳомӣ авбошӣ дастгир карданд.
Муттаҳамон шоми 12 июн дар назди сохтмони иқомате навҷавони 18-солаеро дашномҳои қабеҳ гуфта, лату кӯб кардаанд. Дар натиҷа, вай сахт захмӣ ва дар бемористон бистарӣ шудааст.
Кормандони нерӯҳои интизомӣ ҷузъиёти ин рафтори авбошонаро бозҷӯӣ мекунанд.
