ДУШАНБЕ, 2 июн — Sputnik. Раиси Ҷумҳурии Тоҷикистон Эмомалӣ Раҳмон дар нишасти сарони кишварҳои узви Созмони ҳамкории Шонгҳой ширкат карда ва маросими расмии оғози кори намоишгоҳи байналмилалии ЭСКПО-2017 ҳузур хоҳад дошт.
Бино ба иттилоъи дафтари иттилоърасонии раёсати ҷумҳурӣ, дар ин намоишгоҳ 100 кишвар ва беш аз даҳ созмонҳои байналмилалӣ фанновариҳои пешрафтаи энержии "сабз" ё баргаштпазирро намоиш хоҳанд дод.
Ин намоишгоҳ аз 10 июн то 10 сентябр боз хоҳад буд. Интизор меравад ки дар ин муддат аз 2 то 5 милюн кас аз он боздид кунад.
Нишасти Созмони ҳамкории Шонгҳой 8 — 9 июн дар Остона баргузор мешавад. Раисҷумҳури Қазоқистон Нурсултон Назарбоев аз раҳбари Чин Си Ҷинпин даъват карда дар ин нишаст ширкат кунад.
