ДУШАНБЕ, 30 май — Sputnik. Амирулло Асадулло — шаҳрдори Қӯрғонтеппа аз симаташ озод гардид.
Бино ба иттилоъи расонаҳои Тоҷикистон, раиси маркази вилояти Хатлон ба далели гузаштан ба кори дигар аз симати шаҳрдорӣ барканор шудааст.
Ба гуфти раиси вилояти Хатлон Давлатшо Гулмаҳмадзода, қарор дар бораи аз кор озод гардидани шаҳрдори Қурғонтеппа имрӯз аз тарафи раисҷумҳур Эмомалӣ Раҳмон имзо шуд.
Шаҳрдори ҷадиди Қӯрғонтеппа Абдуалим Исмоилзода қаблан раиси ноҳияи Шаҳритус буд. Ӯ имрӯз дар ҷаласаи шаҳрдорӣ ба намояндагони мардум муаррифӣ шуд.
