ДУШАНБЕ, 20 май — Sputnik. Бино бар иттилои дафтари матбуоти ВКХ ҶТ, имрӯз дар "Боғи Ирам" ҷашнвораи расму ойин ва намоиши хӯрокҳои миллии кишварҳои хориҷӣ бо мақсади шиносоӣ бо фарҳангу тамаддунҳои мухталиф ва расму ойинҳои мардумони ҷаҳон барузор мегардад.
Дар ин ҷашнвора ҷиҳати таҳия ва муаррифии таомҳои миллӣ барои ҳар як намояндагӣ гӯшаи алоҳида ҷудо гардида, маҳсулоти пухташуда аз ҷониби худи намояндагиҳо ба фурӯш бароварда мешаванд.
Тибқи иттилои манбаъ, ҳадафи аслӣ аз баргузории ин ҷашнвора устувортар кардани пояҳои дӯстӣ ва густариши ҳамкориҳои судманд миёни намояндагиҳои сиёсӣ, ҷалб кардани ширкаткунандагон ба накӯкорӣ ва ёрирасонӣ ба яке аз мактаб-интернатҳои пойтахт аз даромади фурӯши хӯрок дар ин ҷашнвора аст.
