Раисҷумҳури Тоҷикистон Эмомалӣ Раҳмон ин ҳунарпешаи номдорро дар рӯзи зодрӯзаш бо унвони "Арбоби ҳунари Тоҷикистон" сарфароз кард.
Ҳошим Гадо пас аз мулоқот бо раисҷумҳур изҳор дошт, Эмомалӣ Раҳмон ӯро дубора эҳё кардааст.
"Ман дар тӯли 55 сол, чӣ дар театр ва чӣ дар кино, бештар нақшҳоеро иҷро кардаам, ки дар он маро мекушанд. Имрӯз дар ҳаёти ман рӯзест, ки Ҷаноби олӣ маро аз нав эҳё кард, маро зинда кард", — изҳор дошт вай.
Ҳунарманд афзуд, ки дар сохтмони НБО Роғун ба раисҷумҳур муваффақият таманно дорад.
"Орзуҳои баландтарини Эмомалӣ Раҳмон — бунёди НБО Роғун ҷомаи амал пӯшад ва ҳар як хонаи тоҷик бо нерӯи он таъмин шавад", — гуфт Ҳошим Гадо.
