ДУШАНБЕ, 10 май — Sputnik. Бино ба гузориши дафтари матбуотии ВКД Тоҷикистон, 9-уми маи соли 2017, тахминан соати 00:20 дақиқа, ронандаи худрави боркаши «Ҳово», марди 23-солае аз шаҳри Ваҳдат, ҳангоми ҳаракат аз ноҳияи Ёвон ба сӯи шаҳри Ваҳдат, дар километри 27-уми ин роҳ дар ҳудуди деҳаи Бӯстони ҳамин шаҳр, фармони худравро аз даст дода рамаи гӯсфандонро пахш кардааст.
Дар натиҷа, дар рамае, ки ба марди 58-солаи сокини шаҳри Ваҳдат тааллуқ дорад, 94 сар гӯсфанд ҷароҳат бардошта, 54 сар аз онҳо талаф шудаанд.
Тибқи иттилои манбаъ, бозҷӯии ин рухдод идома дорад.
