ДУШАНБЕ, 2 май — Sputnik. Бино ба равобити умуми пойгоҳи 201 Русия дар Тоҷикистон, барномаи "Навори Георгий" аз мактаби рақами 1 шаҳрӣ шурӯъ шуд.
"Ҳар як донишомӯз ба хотири бобоёни қаҳрамони худ, наворро сари сина часпонданд",-омадааст дар хабарнома.
Дар баробари ин донишомӯзони таҳсилоти умумӣ ба муносибтаи Рӯзи Пирӯзӣ аз таърихи Ҷанги Бузурги Ватанӣ газетаи деворӣ омода карданд.
"Навори Георгий"-барномаи ҷамъиятиест, ки ба Рӯзи Пирӯзӣ бахшида шуда, хурду бузург бо бастани лента ҳисси ихтихормандии худро аз пирӯзӣ нишон медиҳанд.
Нахустин аксия дар кишвар соли 2005 гузаронида шуд. Шурӯъ аз он давра ин барнома ба яке аз анъанаҳои неки мардуми кишварҳои пасошӯравӣ табдил шудааст.
Ёдовар мешавем, ки имсол дар шаҳри Душанбе бо ибтикори пойгоҳи 201 ва дастгирии мақомоти маҳаллӣ аксияи "Ҳанги ҷовидон" баргузор мешавад.
Дар роҳпаймоии "Ҳанги ҷовидон" хоҳишмандон бо акси бобову падарон, хешовандону дӯстон ва ҳамсафонашон дар набардҳои Ҷанги Бузурги Ватанӣ, коргарони ақибгоҳ аз хиёбонҳои марказии шаҳри Душанбе режа хоҳанд рафт.
