ДУШАНБЕ, 23 апр — Sputnik. Дар озмуни байнулмилалии моделҳои ҷавон ва тарроҳон Фотима дар се бахш — International Fashion House, "Супер модел-2017" ва "Зеботарин духтари Осиёи Марказӣ" мақоми аввалро ба даст овард.
Ин тоҷикдухтари модел дар бораи пирӯзияш дар сафҳаи фейсбукии худ навиштааст, ки бовар дошт пирӯз мешавад, вале якбора дар се бахши озмун бартар шуданро интизор набуд.
Фотима тоҷи заррини озмуни International Fashion House бар сар гузошт ва дар бахши "Супер Модел 2017" (Super model 2017) ва "Зеботарин духтари Осиёи Марказӣ" мақоми аввалро ба даст овард. Ҷоизаи севумаш як ҳазор евро ва даъват ба озмуни зебоӣ дар Монако ва Маскав аст.
Ҷашнвораи зебоӣ ва тарроҳони ҷавон рӯзҳои 20 — 22 апрел дар маркази тафреҳу саргармии "Метро" дар шаҳри Алмаато баргузор шуд.
Ҷашнвораро ширкати Fashion House International (Русия), ширкати Fashion House Kazakhstan (Қазоқистон) ва маркази тафреҳиву саргармии "Метро", клуби "Андеграунд" баргуҳор карда буданд.
