ДУШАНБЕ, 23 апр — Sputnik. Дар бораи хатари бозгашти ҷангиёни Давлати Исломӣ (мамнуъ дар Тоҷикистон) ба Русия президенти ассосиатсияи байналмиллалии ташкилоти зидди теруристии "Алфа" ва аъзои палатаи ҷамъиятии Русия Сергей Гончаров дар сӯҳбат бо радиои Sputnik нақл кард.
"Баъди ғолибияти қувваҳои ҳавоии Русия ҷангиёни ДОИШ ба ҳар сӯ гурехтанд, вале бештари аъзоёни Давлати Исломӣ (мамнӯъ дар Тоҷикистон) ба ватани худ, ҷое, ки дӯстон ва пайвандонашон он ҷост, баргаштанд",-гуфт Гончаров.
Ба қавли коршинос бозгашти онҳо ба кишварҳои ИДМ ба Русия хатари бузрг дорад.
"Дар ин росто мо мушкил дорем, зеро мақомотҳои ҳифзи ҳуқуқ ва қувваҳои мусаллаҳи кишварҳои ИДМ барои пешгирӣ ва роҳ надодани ҷангиён дар қаламрави кишварҳои худ наметавонанд чораандешӣ кунанд".
Дар идомаи сӯҳбат коршинос хабар дод, ки роҳбарони Давлати Исломӣ (мамнӯъ дар Тоҷикитон), ба аъзоёни худ фармон додаанд, то ба ватани худ баргашта дар он ҷо вазъиятро мухолиф гардонанд. Дар ин рӯйхат Русия яке аз аввалинҳо мебошад.
"Ин аз он дарак медиҳад, ки ба мо ҷанг эълон кардаанд",-хулоса кард Гончаров.
