ДУШАНБЕ, 26 мар — Sputnik. Бино ба иттилоъи дафтари матбуъотии раисҷумҳур, Эмомалӣ Раҳмонро дар фурудгоҳи шаҳри Хуҷанд раҳбарон ва бархе аз сокинони вилояти Суғд гусел намуданд.
Аз ҷониби ҷавонону наврасон ба хотири гусели раисҷумҳур барномаи консертӣ омода шуда буд.
Манбаъ меафзояд, ки раисҷмуҳри Тоҷикистон қабл аз баргаштан ба пойтахт дар фурудгоҳи байналмиллалии шаҳри Хуҷнд якчанд сохтмони навро ба баҳрабардорӣ расонид. Аз он ҷумла "Толори ҷавонон" аст, ки махсусан ба муносибати Соли ҷавонон бозсозӣ шудааст. Ин толорро, ки соли 1970 бунёд шуда, ширкати саҳомии "Фурудгоҳи байналмилалии Хуҷанд" пурра бозсозӣ ва навсозӣ кардааст. Акнун толори маҷлисгоҳ 250 сандалӣ дорад ва барои баргузории барномаҳои гуногуни фарҳангиву сиёсӣ созгор карда шудааст.
Ҳамчунин ба муносибати Соли ҷавонон рестуроне бо 220 сандалӣ бунёд гардида ки раисҷумҳур дари онро ба рӯи муштариён боз кард.
