ДУШАНБЕ, 24 мар — Sputnik. Манижаро намоҳанги "Пренебрегаю" дар миёни ҳаводорони мусиқӣ номдор кард.
Чанде буд, ки ин овозхон дар саҳнаҳои Русия намоён намешуд.
Аммо ахиран ӯ дар сафҳаи расмии худ дар Facebook хабар дода, ки 20-уми май дар Санкт-Петербург консерт баргузор хоҳад кард.
"Муддате хомӯш будем то бо муждаи нав баргардем… ", — навиштааст вай дар саҳифаи расмии худ.
Вай афзуда, ки барои баргузории ин консерт дастандаркорони бисёре заҳмат кашидаанд ва акнун вай ниёз ба дастгириии ҳаводоронаш дорад.
"Консерт дар Санкт-Петербург — шаҳре, ки ба ман болу пар бахшида буд, баргузор мешавад", — навиштааст Манижа Сангин.
Манижа дар соли 2016 дар паи намоиши намоҳангҳои 15-сонияӣ дар Instagram маъруф шуд.
Ин овозхони ҷавон 25 сол дорад ва хонаводааш дар замони ҷанги шаҳрвандӣ дар Тоҷикистон ба Русия омадааст.
