ДУШАНБЕ, 6 мар — Sputnik. Сипаҳбад Рамазон Раҳимзода дар барномаҳои ҷашни садумин солгарди таъсиси Неруҳои интизомии Белорус дар шаҳри Минск ширкат карда ва ҳадяҳое ба сипаҳбад Игор Шуневич ва бархе аз афсарони баландпояи Неруҳои интизомии он кишвар тақдим кард.
Бино ба иттилои дафтари матбуотии ВКД ҶТ, вазири корҳои дохилии Белорус сипаҳбад Игор Шуневич низ ҳамтои тоҷикашро бо нишони ёдбуди ҷашни "100-умин солгарди таъсиси неруҳои интизомии Белорус" сарфароз карда ва аз ҳамкориҳои Тоҷикистон дар пайкор бо табаҳкориҳои фаромиллӣ сипосгузорӣ кардааст.
Дар чорчӯби ҷашни садумин солгарди таъсиси неруҳои интизомии Белорус нахустин режаи низомии кормандони ин ниҳод низ баргузор шуд.
Дар ин режа беш аз 1200 тан аз кормандони Раёсати кулли корҳои дохилӣ, Идораҳои корҳои дохилӣ дар вилоятҳо, Неруҳои ошӯбнишон, Пулиси роҳ, Идораи зиндонҳо ва иҷрои кайфар, Бахши нигаҳбонӣ, донишҷӯёни омӯзишгоҳҳои интизомӣ, Донишгоҳи ВКД Ҷумҳурии Белорус ва низомиёни Неруҳои дохилӣ ширкат карданд.
