ДУШАНБЕ, 27 фев — Sputnik. Ҳамин тавр барои пешвози Владимир Путин дар шаҳри Душанбе аллакай омодагӣ мебинанд. ВКД-и ҶТ аз баста шудани роҳҳо хабар дода, донишҷӯёни донишгоҳи Славянии Русия ва Тоҷикистон низ аз омодагии худ ба пешвози президенти ФР дар шабакаи фейсбук хабар карданд.
Дар баробари ин тибқи иттилои ВКД аз соати 12:30 то 13 ҳаракати воситаҳои нақлиёт тариқи хиёбони Рӯдакӣ, Айнӣ, Аҳмади Дониш муваққатан маҳдуд мешавад.
Аз ҷумла барои омадани Путин аз фурудгоҳ то Қасри Миллат дар назар аст, ки ҳаракат аз буриши кӯчаи А.Дониш ва Айнӣ то буриши хиёбони Рӯдакӣ ва Исмоили Сомонӣ баста шавад.
Ҳамчунин хабар дода мешавад, ки шоми имрӯз, аз 18:30 то 21:00 дар назар аст, роҳҳое, ки ба Наврӯзгоҳ мебаранд, баста шаванд: "Аз ҷумла ҳаракат тариқи кӯчаи Ҳофиз Шерозӣ маҳдуд мешавад".
